Vetullat: Si duhet bërë zbukurimi i tyre?

Vetullat: Si duhet bërë zbukurimi i tyre?


Shumë
femra nuk u kushtojnë vëmendje vetullave të tyre ose me keq akoma i
rrjepin ato. Kur bëhet zbukurimi i syrit, vetullat i japin atij një
pamje më shprehëse. Ato i japin një dukje të balancuar fytyrës tuaj.
Kështu që, është tepër e rëndësishme përpjekja për t’i bërë ato të
duken mirë.Vetullat natyrale
Për një kujdes perfekt dhe të shpejtë duhet te krehim me krehrin e
posaçëm në mënyrë që të largojmë pudrën ose kremin e pudrës. Krehja
bëhet me drejtim nga ana e jashtme lart. Kjo ndihmon gjithashtu që syri
të duket më i madh. Një lyerje e shpejtë me xhel pa ngjyrë do t’u
sigurojë atyre një formë të qëndrueshme.
Një mënyrë tjetër është edhe përdorimi i llakut. Pas hedhjes së
llakut i jepni vetullës formën e dëshiruar me dorë ose me krehër të
posaçëm. Kjo metodë do të përdoret sidomos për vetullat me formë të
çrregullt.

Ngjyrosja e vetullave

1. Për të theksuar ngjyrën vetullave përdorim pudrën ose lapsin.
Përdorimi i pudrës bëhet duke e lyer vetullën me furçën e duhur, duke u
kujdesur që të mos ndotim lëkurën rreth e qark vetullës. Kjo jep një
efekt natyral dhe kërkon pak mundim. Mjaft që ngjyra e pudrës të jetë e
afërt me të vetullave.

2. Po kështu mund të përdorim një laps të mprehur mirë duke vijëzuar
lehtë mbi vetull, duke u kujdesur që të mos e shtrëngojmë shumë lapsin
dhe të përpiqemi të japim një fund natyral në mënyrë që vija e shkruar
të mos dallojë shumë nga vetulla. Mund të përdorni lapsa në ngjyrat e
vetullave, jo të zinj.

3. Pas kësaj duke përdorur një pambuk siç tregohet në figurë e zbusim
vijën e bërë me laps dhe e shtrijmë atë natyrshëm. Këtë duhet ta bëjmë
njëkohësisht me kujdes në mënyrë që të mos e fshijmë vizën. Kjo bën që
t'i jepet një ngjyrë e njëtrajtshme në të gjithë sipërfaqen e ngjyrosur.

Për të bërë një makijazh më të bukur kur kemi syze


Janë shumë detaje që duhet të merren parasysh përpara se të bëjmë një makijazh
Miopët - zmadhojnë shikimin

1. Aplikoni një hije të qartë, të lehtë ylberi mbi qepallë.
2. Vëni një rimel të theksuar duke i ngritur qerpikët me drejtimin e jashtëm të syrit.
3. Bëni një ngjyrim të hapur shumë, në cepin e brendshëm të syrit.
4. Kaloni me laps të bardhë në brendësi të syrit, në qepallën e tij të
poshtme dhe me një lapës më të theksuar vijëzoni pjesën jashtë tij.

Hipemetropët ose dritëlargët

1. Vendosni në qepallën e lëvizshme ngjyra pa shkëlqim.
2. Nënvizojeni qoshen e jashtme me laps.
3. Vendosni pak rimel.
4. Kaloni me laps të theksuar mbi buzë të brendshme të qepallës së palëvizshme.
Xhamat rritës

1. Insistoni në një lyerje të qepallës së sipërme.
2. Vëni pak ngjyrues kundër rrethit poshtë syve me një tampon të lehtë.
3. Vëni një rimel të trashë për qerpikët.
4. Evitoni pudrën që krijon rrudha.

Një grim me provën e lotëve


Për një ditë
speciale duhet edhe një make-up special. Me këto produkte nuset janë të
sigurta: emocioni i tyre nuk do të lërë shenja.
Make-up i përshtatshëm
Mbi të gjitha, një trukator profesionist, di të përcaktojë me kujdes
ngjyrat, në funksion të ngjyrës së lëkurës dhe të flokëve. Fillimisht
duhet që t'i tregohet një foto e fustanit dhe pastaj modeli i flokëve,
para se të arrihet në përcaktimin final të make-up.

Kremi pudër: Ky do të zgjidhet në bazë të tipit të lëkurës. Nëse është
shumë e thatë, më mirë një krem pudër, superhidratues, që garanton në
të njëjtën kohë make-up dhe trajtim për të gjithë ditën.

Lëkurë e shndritshme? Një krem pudër, që i përshtatet zonave të
ndryshme të fytyrës, duke vepruar në mënyrë të ndryshme në të
ashtuquajturën zona T (balli-hunda-mjekra) dhe në pjesën tjetër të
fytyrës. Nëse ke një fytyrë të lodhur dhe të stresuar, përdor një krem
me efekt lifting. Ke frikë që mos të bësh pis fustanin e bardhë? Zgjidh
një krem pudër 24 orësh dhe rezistent ndaj ujit. Bëni kujdes mos vini
shumë make-up, pasi e rëndon fytyrën dhe thekson linjat e shprehjes dhe
rrudhat.

Korrektori: është një aleat i vërtetë për të fshehur të gjitha
paperfekshmëritë e momentit të fundit (një puçërr që ka dalë natën, një
skuqje e papritur, sytë e nxirë...). Rimeli duhet të jetë absolutisht
kundër ujit, pasi mund të shpëtojnë edhe disa pika lot. Dhe për ato që
duan një shikim akoma më joshës, është "extension", (Tufa të vogla me
qerpikë), të cilat vihen nga estetistja një ditë para dasmës. Pas një
muaji do të bien vetë.

Buzëkuqi: sa puthje duhet të japë nusja përgjatë një dite? Dhe
sigurisht që nuk do të ketë kohë për të rinovuar ngjyrën e buzëve.
Zgjidhja është buzëkuqi, i cili zgjat deri në tetë orë, në versionin
hidratues, duke i lënë buzët shpesh të buta.
Ja nusja perfekte
Fjalëkalimi për një grim të suksesshëm është që të mos teprohet.
Këtë duhet që ta mbajë mend nusja në përcaktimin e make-up. Në këto
raste është e këshillueshme që truku t'i besohet një profesionisti,
duke evituar thënien klasike të nuseve të reja "i bëj të gjitha vetë,
pastaj unë çdo ditë lyhem". Make-up i nuses duhet të jetë një miks i
ashtuquajtur "i shoh, nuk shoh", ose e thënë ndryshe; duhet të jetë,
por në të njëjtën kohë nuk duhet të jetë shumë i dukshëm. Pastaj, duhet
të jetë në sintoni me stilin e fustanit dhe me stinën. Është fare e
kotë një krem pudër i errët në dimër ose një fustan i bardhë akull;
duhet evituar pudra dhe nuancat rozë nëse lëkura është e zeshkët.
Fustani në ngjyrë ari nuk shkon nëse ti do të martohesh në vjeshtë.
Pra, një trukator i zoti, di të japë sugjerimet e duhura për të
përcaktuar produktet ideale për të patur një efekt mëndafshi, të heqë
shkëlqimin e tepërt, të evitojë kullimin e mundshëm të make-up. Dhe të
kamuflojë të gjitha defektet e fytyrës, duke e përgatitur në mënyrë
përfekte për të qëndruar nga mëngjesi në mbrëmje, në qetësi të plotë,
përpara aparatit fotografik.

Dy orë për grim të përsosur për natën festive


Për t'u dukur posaçërisht tërheqëse dhe elegante në mbrëmjen solemne, gjeni kohë të mjaftueshme dhe zbatoni udhëzimet tona!Edhe 120 minutaËshtë çasti që të filloni të përgatiteni. Hyni shpejt në banjë: keni
grim në fytyrë, ndërsa duhet tërësisht ta hiqni. Nisni me qumësht,
pastaj e lajeni me gel dhe në fund qitni losion freskues

Edhe 115 minuta
Nëse dëshironi t'i rregulloni flokët në shtëpi, është çasti që t'i
pastroni ato! Mos eksperimentoni me forcues flokësh, sepse ato mund të
rëndohen, shpejt të lëshohen, apo të përdorni ndonjë forcues të
papërshtatshëm, nga i cili flokët do të duken si fije kashte. Flokët
pastaj i mbështillni me peshqir.

Edhe 105 minuta
Nëse jeni të detyruara të hiqni qimet, tashti është çasti! Mirëpo,
duhet hequr vetëm në këmbë. Nën sqetull nuk do t'ju kishim rekomanduar,
sepse pas depilimit apo rruarjes nuk bënë të përdorni dezodorans
alkoolik apo antiperspirant, ndërsa ju pret një natë që do të
djersiteni!
Edhe 95 minuta
Së pari bëni një "peeling" të lehtë, pastaj një dush. Zgjidhni gelin
për bërje dush me aromë freskuese. Kur bëni dush, bëjeni një masazh të
lëkurës me sfungjer apo me dorashkë. Pas dushit, fshijuni mirë me
peshqir frotiri.
Edhe 85 minuta
Për ta bërë lëkurën të lëmuar, ajo duhet të ushqehet dhe duhet të jetë e lagësht.
Edhe 80 minuta
Flokët thani me fen. Pa marrë parasysh se çfarë frizure do të keni,
mos e përpunoni deri në fund, sepse ka akoma kohë për ta përfunduar.
Disa tufa flokësh, të cilat mbulojnë fytyrën, kapini me karfica. Në
qoftë se duhet patjetër të veni karficat, tashti është momenti që t'i
mbështillni flokët, sepse ka mbetur kohë e mjaftueshme që t'ju thahen
flokët edhe pa e përdorur fenin.
Edhe 75 minuta
Meqenëse flokët ju janë të thata, është çasti që të vëni maskën e
cila do ushqejë, do të freskojë dhe do të tendosë lëkurën e fytyrës
suaj. Kujdes që të mos ju hyj në sy, sepse një kohë të gjatë do t'ju
djegin sytë dhe do t'ju jenë të skuqur dhe të irrituar.
Edhe 70 minuta
Ka mbetur kohë e mjaftueshme për zgjedhje definitive. "Do të
shkosh?" Ç'do të veshësh?" Ku do të takohemi?". Derisa jeni duke bërë
telefonatë, mos e humbni kohën e çmuar: hiqeni llakun e vjetër nga
thonjtë, ndërsa në lëkurë vëreni ndonjë krem ushqyes.
Edhe 65 minuta
Merreni limën në dorë: rregullojini thonjtë, lyejini me llak dhe ia
jepni formën. Pritni që të thahen mirë, sepse mund të dëmtohet llaku.
Edhe 55 minuta
Hiqeni maskën nga fytyra, vëni ampulë apo serum i cili edhe më mirë do ta ushqejë lëkurën e fytyrës.Edhe 50 minuta
Rekomandohet që të vishni ndërresa dhe vëni antiperspirant. Mirëpo,
antiperspiranti në rroba do të krijojë njolla të bardha. Derisa jeni
duke hekurosur rrobat, i lini ato që të thahen mirë.
Edhe 40 minuta
Është çasti që të përfundoni frizurën tuaj. Hiqni karficat,
shprishni flokët, dhe përfundojeni frizurën. Qoftë të keni bërë punxh
apo i keni lënë flokët të lira, megjithatë forcojini pak me llak, i
cili nuk i ngjet flokët.
Edhe 25 minuta
Frizura kryesisht është gati, rrobat janë gati... duhet të pastrohen
këpucët? A e keni përgatitur çantën, çdo gjë që duhet vendosur në të,
dhuratat për më të dashurit, aromën me të cilën do të spërkasni.
Kontrollojini çorapët: a janë në rregull?
Edhe 20 minuta
Është çasti që të përfundoni përgatitjet: gjithsesi, grimi i fytyrës
është i fundit. Më parë qitni gel apo losion, të cilin lëkura shpejt do
ta absorbojë dhe në këtë mënyrë do të mbetet elastike tërë natën. Po qe
se është e nevojshme, nën rrudha të syve, rreth rrënjës së hundës dhe
rreth buzëve qitni një shtresë të hollë korrektori. Korrektori i
gjelbër apo kremi që përdoret për korrekturë shumë mirë do t'i mbulojë
pjesët e kuqe të fytyrës.
Mos harroni të pudrosni edhe qafën. Shtresa e pudrës nuk bën të jetë e
trashë, ndërsa ngjyra mund të jetë e çelët. Mbi pudrën e lëngët bën të
qitet pudër pluhur. Shtresa duhet gjithashtu të jetë e hollë.
Afër qerpikëve në kapakët e sipërm dhe nën qerpikë në kapakët e poshtëm bëjeni një vijë me laps të butë.
Ngjyrosini kapakët. Aktualisht janë në modë hijesimet e vezullueshme, të cilat duken si të yndyrshme. Në qerpik qitni maskara.
Në buzë qitni një pikë pudër të lëngët, pastaj qitni pudër pluhur. Pas
këtyre veprimeve linjën e buzëve vizatojeni me laps. Lapsi patjetër
duhet të jetë i ngjashëm me nuancën e buzëkuqit. Dhe, në fund, qitni
buzëkuq.
Edhe 5 minuta
Grimi është i gatshëm, është çasti që me kujdes të visheni. Pastaj
rregullojeni frizurën, forcojeni edhe një çikë me llak apo spërkateni
me sprej vezullues. Spërkateni edhe me parfum. Edhe një shikim në
pasqyrë dhe mund të niseni. Dhe, Ju urojmë argëtim të këndshëm, shumë
të këndshëm, dhe, gjithsesi, Ju urojmë për mbrëmjen e paharruar!

Buzëkuqi - Këshilla për përdorim


Si të
theksojmë buzët me ngjyrën që u japim? Buzë me volum të plotë, të
vijëzuara mirë me efekt të njomë. Ja si të zgjedhësh e të aplikosh
masën dhe ngjyrën sipas rezultatit që kërkon të marrësh.

Buzëkuqi MAT
Kjo lloj e kuqe është një nga nuancat më trendy të stinës dhe shkon
shumë në kontrast me një lëkurë të pastër dhe sy të shndritshëm.
Këshilla
Nga buzëkuqi ngjyrë mat, merr ngjyrë me furçën e sheshtë të buzëve
dhe vendose fillimisht në buzën e sipërme, pastaj në atë të poshtme,
duke u përqendruar më pas në qendër për të dhënë një efekt “zemër”.
Përsëriteni dy herë për të intensifikuar ngjyrën.
Ngjyra e pjeshkës
Një truk i butë, por i realizuar mirë: buzët e lyera, në nuancë rozë
në pjeshkë natyrale, të japin në efektin final një pamje klasike.
Këshilla
Apliko një buzëkuq ‘stick’ dhe për ta zmadhuar dritën e ngjyrës
mbivendos një shkëlqyes transparent me anë të një peneli, sidomos në
qendër të gojës.E kuqja e thellë me shkëlqim
Një buzëkuq i errët por shumë i shndritshëm, me konturet e vijëzuar
mirë është i këshillueshëm dhe për ato që kanë buzë të holla.
Këshilla
Për të përfituar efektin volum, zgjidh një laps më të errët për ta
përhapur vetëm anash buzëve. Nëse bëhet fjalë për një trukim darke, mbi
ngjyrën e ndezur kaloni një shkëlqyes të tejdukshëm, gjithmonë në
qendër të gojës.Rozë e lehtë
Ideale për ditën, u shkon biondeve dhe atyre që kanë lëkurën e fytyrës të pastër.
Këshilla
Për të pasur buzë të lyera me një të kuqe natyrale, butësi dhe volum
të plotë, zgjidh një xhel dhe aplikoje me gishtërinj, në fillim sipër
dhe pastaj poshtë, nga qendra.