Riparo defektet e lëkurës

Për të riparuar defektet e lëkurës dhe sa herë që jemi në krizë
për pamjen tonë të jashtme ndiqni recetat e specialistëve. Para së
gjithash fjala çelës është peeling...

Eliminimi i qelizave të vdekura i dhuron lëkurës një ngjyrë të bukur
dhe mbi të gjitha i lehtëson ajrosjen. Fillojmë nga trupi, duke kujtuar
që sidoqoftë peeling është një veprim agresiv ndaj lëkurës ndaj dhe
duhet të bëhet në mënyrë të butë dhe delikate. Përsëriteni përsëri në
qoftë se e shikoni të arsyeshme por me një distancë prej 8-10 ditësh.
Në qoftë se keni pak probleme është i këshillueshëm një pastrues i
lehtë që është dhe zbutës. Përdoreni këtë solucion duke e hedhur në një
shami teli të cilën pasi të keni lagur trupin ta përdorni në vend të
fërkueses së zakonshme.
Në qoftë se lëkura juaj është shumë e tharë, është e nevojshme një
kurë më e fortë që të largojë të gjitha qelizat e vdekura. Për këtë
rast në fërkuesen prej teli të butë duhet të hidhni një tas të vogël
miell misri integral dhe një tas të vogël me miell bajamesh të ëmbla.
Më pas vazhdojmë si herën e parë duke e fërkuar lëkurën për një kohë të
gjatë por në mënyrë delikate. Do të shikoni që lëkura do të bëhet e
butë dhe elastike si kurrë ndonjëherë.
Në qoftë se bëni pjesë tek ato fatlume të pakta të cilat e kanë
lëkurën e padëmtuar, i lejoni vetes një banjë të kënaqshme për të pasur
një lëkurë kompakte dhe elastike. Hidhni 3 litra qumësht në ujin e
ngrohtë të vaskës dhe qëndroni për 20 minuta. Do të shikoni që lëkura
juaj do të jetë e butë dhe e këndshme ashtu siç keni ëndërruar
gjithmonë.

Një sallatë si dekolte
Qafa është një pikë që lihet disi pas dore për sa i përket kujdesit
të lëkurës. Atëherë, ja një maskë e jashtëzakonshme: Merrni një sallatë
të tërë, lajeni me kujdes dhe grijeni. Më pas aplikojeni sallatën e
grirë në të gjithë qafën dhe në pjesën e kraharorit. Mbajeni për 20
minuta. Sallata përmban shumë vitamina dhe është efikase për të gjitha
llojet e lëkurës.
Duart në plan të parë
Mos i harroni kurrë. Janë gjithmonë në plan të parë të çdo lloj
gjesti që ju mund të bëni. Merrni një patate të patrajtuar, qërojeni,
grijeni dhe përdoreni për të mbuluar sipërfaqen e duarve tuaja për të
paktën 20 minuta. Ditën tjetër në një enë të gjerë dhe të thellë hidhni
një litër qumësht të cilës do ti shtoni gjysmë limoni të shtrydhur.
Futini duart në këtë përbërje dhe mbajini 20 minuta duke i masazhuar
butësisht gjatë kësaj kohe. Në qoftë se i keni në gjendje të rëndë
merrni argjilë përziejeni me pak ujë të pastër për të përfituar një
përbërje në formë kremi dhe lyejini duart me të. Mos lani duart tuaja
deri kur argjila të jetë thithur krejtësisht nga lëkura.
Në fytyrë bajame dhe ananas
Në qoftë se do të bëjmë peeling në fytyrë ky duhet të jetë shumë i
lehtë. Sigurisht që gjithçka varet nga gjendja e lëkurës suaj dhe nga
dëshira juaj. Në qoftë se pëlqeni që të reagoni me një farë energjie
merrni bajame të ëmbla të grira hollë dhe pastaj bashkojini me aq ujë
sa mjafton për të krijuar një maskë kremi. Përbërjen aplikojeni në
fytyrë duke e masazhuar lëkurën por jo për një kohë më të gjatë se sa
dy minuta. Më pas lajeni. Në qoftë se lëkura e fytyrës suaj ka vetëm
një shtresë mjaft të lehtë qelizash të vdekura, përdorni lëngun e
ananasit i cili ka aftësi të mira për të zhvilluar peeling. Kështu pasi
të keni shtrydhur një gjysmë ananasi shpërndajeni në të gjithë fytyrën.
Mbajeni jo më tepër se 5-6 minuta dhe lajeni fytyrën. Përsëriteni të
njëjtën gjë tre javë me radhë duke e aplikuar një herë në javë. Në këtë
pikë jeni gati për të përballuar stinën me një lëkurë të bukur dhe të
rigjeneruar mirë.

Zbuloni lëkurën tuaj të butë


Në qoftë se
dëshironi të eliminoni celulitin dhe të keni trupin tuaj në top-formë,
tashti është momenti i vërtetë që të filloni programin e plotë të
kurimit. Sepse, plogështia, shtresat yndyrore në kërdhokulla, gjunjë...
nuk do të eliminohen vetëm brenda një dite.Qoftë fjala për
tretmanin me kremra për përdorim në shtëpi apo për aparatet në sallone
kozmetike, patjetër duhet të bëni më shumë përpjekje. Vazhdimisht të
ushtroni dhe të kini kujdes në ushqimin e drejtë, i cili do të pengojë
qelizat trupore që të "deponojnë" yndyrën dhe t'i krijojnë pamje të
keqe lëkurës suaj.
Pos ushtrimeve të rregullta që duhet t'i bëni, duhet të pini mjaft
ujë, të eliminoni këpucët e ngushta dhe rrobat të cilat ju shtrëngojnë
dhe pengojnë qarkullimin e gjakut, zvogëlojnë, ose që është edhe më
mirë, duhet të eliminohet tërësisht pirja e kafesë - dhe deri në verë
me siguri lëkura juaj do të shkëlqejë!

Tashmë gëzoheni kur mund të vishni fustane të lehta dhe të tejdukshme?
Mos pritni çastin e fundit - këmbët dhe duart e përsosura apo barku i
përsosur nuk duhet t'ju duken një ëndërr e paarritshme - përmbajuni me
përpikëri këshillave tona dhe suksesi nuk do të mungojë.

Risi: flasteri sprej
I paralajmëruar si kurim ideal për eliminimin e celulitit, në tregun
e kozmetikës tashmë gjendet spreji, i cili për dy minuta në lëkurë
krijon një flaster të padukshëm. Spreji qitet në mbrëmje, i cili për 8
orë ushqen intensivisht indet dhe rregullon yndyrën. Por si zëvendësim
mund të përdoret edhe ndonjë gel.

Masazhi me akuj forcon enët e gjakut
Çdo mëngjes, pas bërjes dush, bëjani një masazh gjoksit për tre
minuta me duart plot katrorë akujsh. Enët e gjakut aty për aty do të
ngushtohen, gjaku do të qarkullojë më fuqishëm, ndërsa gjinjtë do të
bëhen më të tendosur. Pastaj bëjeni edhe një masazh me krem trupi. Në
qoftë se kjo metodë ju duket tepër drastike, do të ju bëjë mirë një
dush i gjinjve me ujë të ftohtë.

"Peeling" nën dush pastron dhe tendos lëkurën e lodhur
Eliminoni me kujdes qelizat e vdekura: me gel për "peeling" me
minerale deti dy herë në javë fërkojeni tërë trupin nën dush (3 deri 5
minuta), shpërlajeni dhe qitni kremin. Mund të përdorni edhe kremin për
"peeling", pastaj gelin e rëndomtë për dush.
Vajra aromatike e bëjnë lëkurën të lëmuar në dekolte
Për lëkurën të thatë në të cilën për shkak të thatësisë paraqiten
rrudhat, ideale janë ideale vajrat për trup me materie aromatike.
Depërtojnë shpejt dhe thellë në lëkurë, eliminojnë materiet e dëmshme
dhe e bëjnë lëkurën të lëmuar. Fërkojeni menjëherë pas dushit derisa
lëkura të jetë e njomë.

Folia shton efektin e kremit
Kjo kërkon pak më shumë angazhim, mirëpo ka efekt të shpejtë: qitni
në lëkurë krem anticeluliti, mbështilleni atë pjesë trupi me folie të
tejdukshme, ngroheni me peshqir frotiri dhe lëreni të veprojë kremi për
20 minuta. Hiqeni mbështjellësen dhe fërkojeni edhe pak më krem. Në
saje të nxehtësisë nën folie, kremi ka veprim më të fuqishëm.

Kripa nga deti i jep lëkurës ngjyrë trëndafili
Lëkura e të ndenjurave është katërfish më e trashë se sa lëkura e
fytyrës, andaj në atë pjesë preferohet dy herë në javë të aplikoni një
"peeling" të njelmët. Me kripën e detit apo me tretjet e kripës dhe të
vajit fërkojeni lëkurën e njomur, pastaj shpërlajeni nën dush.
Masazh i lehtë për qarkullim më të mirë të gjakut
Në qoftë se para se të qitni kremin, lëkurës i bëhet një masazh,
shtohet aftësia e saj për të thithur materiet ushqyese. Kujdes: gjata
masazhit mos shfrytëzoni mjete të forta. Më të mira janë mjetet nga
druri apo goma me nyje.

Kremrat anticelulite me efekt të thellë
Kremrat e reja kundër celulitit lëkurën e bëjnë më të butë, mirëpo
nxisin edhe shpartallimin e yndyrës dhe eliminimin e materieve të
dëmshme. Është me rëndësi: Në qoftë se me këto kremra e fërkoni lëkurën
një herë në ditë, rezultati do të arrihet pas 2-3 muajsh.
Losionet për kurim nxisin qarkullimin e gjakut
Pas secilit dush, bëjeni një masash me losion trupi i cili e bën
lëkurën të butë dhe të tendosur. Me përdorim të rregullt rregullisht
ruhet balancimi mbrojtës i lëkurës, nxit qarkullimin e gjakut dhe
pengon paraqitjen e celulitit.